gajal1

धेरै पहिला लेखेको एउटा गजल 

- सन्दीप गौतम 

               गजल 

मलाई यस्तो सफरमा दौडिन भनिएको छ
जहाँ गन्तव्यको अन्तिम रेखा मेटिएको छ 

सधै फैसलाको आधार कमसल भेटिएपछि ,
नजिर बनेर यसपटक ऐना उभिएको छ 

यो लालचको सहरमा यि मान्छेहरूको
सबथोक कमाउँदा जिन्दगी बेचिएको छ

सर्कसको खेल हो जिन्दगी बर्षौदेखि
अरुलाई झुक्क्याउँदा आफुपनी झुक्किएको छ

प्रेम थियो या बियोग यो भन्नै सकिएन
अन्तिम पत्र पनि रगतले लेखिएको छ

gajal2

धेरै पहिला लेखेको एउटा गजल 

- सन्दीप गौतम 

                        गजल

एउटै गलत काम नै जिन्दगीमा हरघढी गरियो

गरियो केबल कमजोरी लुकाउने कमजोरी गरियो

समयले आज आगोसँग मित्रता गासिदिएको छ

कुनै बेला यार फुलसँग पनि दुस्मनी गरियो 

एकदिन यि फकिरहरुले यो कुरा पनि सोच्नेछन््

यहाँसम्मको यात्रा फगत के का लागी गरियो ? 

आँखैमा राखेको तस्बिर एकाएक पराई बनिदियो

जसलाई आफ्नो बनाउन हिजो सकेजती गरियो